无题

其实果日我真系有D语无伦次, 倾倾下就倾到关于"幻觉" "模糊美" 嘅问题.
其实我一直相信自己心目中果种感觉系存在紧嘅, 而且有时仲会好浓烈.
但人就系种钟意胡思乱想嘅动物, 所以往往把事情复杂化. 到最后自己嘅心就会诸多疑问. 变得多疑.
如果人与人之间嘅距离就如隔住一块透明玻璃咁会几好? 但唸深一层, 或者正如Violet姐所讲嘅咁: 有D嘢如果你太想去确定或者睇得太清楚可能会慢慢变得好丑陋.
 
或者系了, 凡事都保持一种神秘感, 保留一份模糊美, 咁样我地嘅生活先唔会咁乏味无趣. 或者仲可以减少好多不必要嘅烦恼添.
凡事都保持一种神秘感, 保留一份模糊美, 咁样先至可以引发我地不断去探求自己想要去了解与追求嘅嘢. 甚至可能会激发我地追寻目标嘅斗志.........